12/12/2007

Шинэ жил айсуй..

Хүүхэд байхад сүлд модоо гаргаж чимэхийг тэсэн ядан хүлээдэг байж дээ. Нүүхийн хооронд яршиг гээд төвөгшөөж байтал, гүнж нартаа дийлдээд ...Уг нь шинэ жил гэхээр цас байдагсан. Манай энд ч барагтай л цас орохгүй. Орохоороо их нойтон хүнд цас байдийн...Кинонд гардаг шиг цасан дундуур гүйхиймсэн.Үнэн романтик уу? ^^(мөн хийх юмаа олж ядaв аа,гж^0^)...

12/06/2007

'China shakes the world' by James Kynge

Энэ номыг уншсан хүмүүс байгаа байхаа. Амжаагүй байгаа бол уншаад үзээрэй. Эх нь англи хэлээр('China shakes the world' by James Kynge) гэж байгаа байх(монголоор хэлбэл 'Хятад дэлхийг бусниулж байна'гэхийн бол уу?! ). Энэ ном Монгол хэл рүү хөрвүүлэгдсэн ч байж мэднэ. Манайханд, ялангуяа нүдэн балай чихэн дүлий төр баригчид нэн түрүүнд уншуустай, бодлого юмандаа тусгууштай зүйл санагдсан...(зиа даа,тэд нар дотор уншиж боловсордог хүн байдаг ч юм уу доо!!) ...Японы зах зээлд ч бас Хятадад үйлдвэрлэсэн зүйл их. Гэхдээ сүүлийн үед' China free'гээд хятад бараанаас татгалзах хандлага эрс ихсэж байгаа.(манайхыг бодвол хамаагүй сайн хяналт шалгалт дамжиж орж ирж байгаа мөртөө шүү дээ) Хямд хятад бараа биш, үнэтэй ч гэсэн чанартай барааг сонгож эрүүл мэндээ хамгаалахгүй бол....Бүр аргаа барсан хүний үг боловч, ногоо жимс л идэхгүй бол маргааш нүд аних гээд байгаа юм байхгүй шүү дээ. (УБ-д явж байгаад дэлгүүрт нэг жимсний чанамал харсан , юу гэхээр 'Клубничный' гэсэн бичигтэй хятадад үйлдвэрлэж,Монголд нийлүүлэв гэж оросоор бичсэн шошготой байсийн байна?!)...Нөгөөтэйгүүр манайд цагаан идээний хэрэглээ харьцангуй багассан, оронд нь элдэв эм тариа хамгийн гүйлгээтэй зүйл болсон гэж байгаа..Мал аж ахуйн орон байж!!!Юу ч гэлээ дээ, нэг албан ёсны дистербютер гэдэг нь Хятадаас сүү оруулж ирж монголын зах зээлд нийлүүлдэг гэж сонссон. Энийг сонсоод уйлах багадаж, үхэх ихдэнэ гээч болсон:) Тэгээд юу гэлээ, сайн чанарын сүү гээд зардаг гэсэн байхаа.Хэзээ хятад цагаан идээний орон болж хувираав!! Яг л монгол сүүнээс илүү чанартай, сайхан байж харагдаач!!! Дотоодынхийгоо тордож, дэмжих хэрэгтэй. Үүнд асар их утга учир байгаа гэж бодогддог... Миний бага байхад Монголд элдэв хорт хавдар гэж бараг дуулддаггүй байсан санагдана.Тэгэхэд одоо бага насны хүүхэд хүртэл хавдар туссан гэж нэг бус удаа сонсох юм. Энэ лав эрүүл ахуйн шаардлага хангаагүй хорт хүнстэй бас холбоотой байхаа. Нүдэнд харагдахгүй газар, бидний хүнсэнд хор явж байгаа гээд бодохоор аймшигтай..Сүүлийн хэдэн жилд элдэв дотор өвчин болон ходоод гэдэсний өвчин, хавдар эрс нэмэгдсэн гэж статистикийн мэдээ байдгийн байна лээ.....(19хөн настай жаахан залуу ходоодны хорт хавдартай, барилга дээр ажилладаг байсан болохоор амарчлаад хятад бэлэн гоймон их иддэг байсан гэхтэй таарсан, өнөөдөр идээд маргааш нь өвчлөхгүй, шууд нөлөө нь нүдэнд харагдахгүй болохоор .....) Саяхан эндэхийн зурагтаар Хятадад ногоо, жимсээ ямар байдалтайгаар тарьдаг тухай сурвалжлага мэдээ гарч байсан. Хорхой шавьжны устгал гээд хуулиар хориотой хорт бодис баахан цацаад, бордоод....Тэрийгээ өөрсдөө бол хэрэглэдэггүй гэж байгаа...?!!! Ингээд бодохоор итгэлтэй, хүнлэг зах зээлтэй болтлоо ах дүүгээрээ, найз нөхдөөрөө дулаалгатай хүлэмж, зоорь бариад өөрөө өөрсдийгөө хангахаас өөр аргагүй мэт... Тэр талын сургалт зөвлөлгөө байж л таараа. Тэтгэвэрт гарсан аав, ээж нарт ийм ногоо жимс тарьдаг хүмүүс байдаг болсон шүү дээ,тээ. Ийм хүмүүсийг нэгтгэсэн, туршлага юмаа солилцдог газар бий болбол... Уг нь идэвхи санаачилга гэдэг нэг юм байдаг даа,тээ. (худалдаанд монгол гэсэн хаягтай хятад хүнс ихээр борлогддог сурагтай юм билээ) За, тэгээд зөвхөн ашгийг нь бодох биш, хэрэгтэй-өгөөжтэй юм хийе гэвэл Монголд хийх юм зөндөө, зөндөө... (Намайг ийм юм бичиж байгааг манай хүн харчихаад, *Чамайг хятадууд тоочиглоно доо,яана* гээд шоолоод байгаа,хэхэ^0^)

11/27/2007

Цаг хугацаа урссаар...

Удахгүй шинэ жил болох нь ээ. Саяхан эгч нөхөр хүүхдүүдээ орхиод  найз хүүхнүүдтэйгээ зочид буудлын 70давхарт лаанчдаж, бас Караокэдэж баахан өөрийгөө баясгаж яваад ирсэн. Дандаа ингэж програмдах биш жилдээ нэгүү үгүй юү л  юм чинь ...гэжийвэл.Ёстой булуугаа халтал бурна гэдгийг үзүүлэх шиг болсон,хэхэ. Өө тийм, манайх гэдэг айл шинэ оноос өмнө  өөр тийшээ нүүх болсон тул, шинэ газраа очиж нет холбуултлаа блогтоо бичлэг оруулж чадахгүй болох шинжтэй..Шинэ он гарахаас өмнө  неттэй болж амжих нь уу, үгүй юу^0^

11/21/2007

Дээрхийн гэгээн Далай ламын айлтгал

За ойрдоо бичлэг оруулалгүй нилээн хэд хоночив болтой. Эзэнгүй хаалга мөргөөд буцсан блог андуудаас хүлцэл өчье... Өчигдөр нэгэн хувь тохиолоор Далай ламын айлтгалыг очиж сонсоод ирлээ. Амьдардаг газраас маань ойрхон байсныг хэлэх үү олзуурхаад л гүйгээд очсон. Ар,Өвөр нийлээд 600 гаруй Монгол хүн цугласан гэж байх шиг байна лээ. Цагаасаа хоцорч болохгүй, бага насны хүүхэд дагуулж ирж болохгүй гэсэн байсан болохоор нь хүүхдүүдээ харуулж орхиод, бас ч үгүй нилээн цагийн запастай яваад очлоо. Тэгтэл нялх хүүхэд дагуулсан хүмүүс ч нилээд харагдаж байна.1 цагт эхлэнэ гэсэн байсан нь 2-оос болсон гээд цаг орчим хүлээгээд гар хуруу бээрэхийн алдад ашгүй дотогш орох болж, гар тээш биеийн байцаалтаа шалгуулаад орлоо. Манайхан цагаа баридаггүй гээд хашрааж байгаан болуу, тийм л бол цагаа болонгуут хаалгаа бариад л оруулахгүй байвал болох биш үү!! Манайхан л болсон хойно нөгөө л хаалган дээр бөөгнөрч хошуурдаг нь хэвээрээ. Зохион байгуулж байгаа хүмүүс нь зохицуулаад, хүүхэдтэй хүмүүсийг нэг газар цуглуулаад түрүүлж оруулах ч юм уу, орсон хойноо хүүхэд нь уйлах зэргээр бусдыг чилээхээр бол танхимаас гарахад амар хаалганд ойр суудалд суулгах ч юм уу, гаднаас орж байгаа хүмүүсийг хэлээд сайхан нэг эгнээ зогсоогоод цувруулаад оруулах ч юмуу санаа тависан бол гэх мэт сэтгэгдэл төрж байв.. Далай ламын айлтгалыг Ажаа Рэнбүүчи гэдэг Америкад дүрвэж гарсан төвд лам хүн монголоор орчуулж байсан ч зарим хэсгийг нь сайн ойлгосонгүй. Ёстой орчуулаад өгч байгаа сэтгэл нь сайхан юм даа л гэж бодсоншиг.Уг нь Далай лам бодууштай, сайхан юм ярих шиг болсон. Монголоос түвд хэл сайтай лам хүн залж ирэх боломж байгаагүйн боловуу(нэгэнт хэрэг болгоод ийм арга хэмжээ зохиож байгаа юм чинь,хийсэн шиг хийвэл сайхан), хамгийн эхний эгнээнд заларч байсан элчингийнхнээс тийм санаачилга гаргаад, элчингийн зочид буудалд байрлуулаад гэх зэргээр сэтгэл тавибал Далай ламын айлтгалыг хол ойроос зориод, цаг заваа зохицуулаад ирж сонсож байгаа тэр олон хүмүүсийн сэтгэл хангалуун байх байсан б ол уу. Их хурлын гишүүн Ламбаа гэдэг хүн бас тэргүүн эгнээнд заларсан байсан. Бодвол ард түмнийхээ тусын тулд, сайн сайхны төлөө гээд л tend явжийсийм байлгүй:) Далай лам, санал асуулт байна уу?гэхэд нь хэд хэдэн хүн санал бодлоо хэлж байсан. Тэр дотор нэгэн өвөр монгол хүн(Ар монголын иргэн болмоор байна гэж хүсэлт гаргасан өвөр монгол хүнд зөвшөөрөл олддоггүй, тэгсэн хэрнээ хэл ам мэдэхгүй хужаа нар амархаан Монгол улсын иргэн болж байгаа энэ гашуун үнэнийг та юу гэж соёрхож байна вэ? )гэж асууж байсан. Өвөр Монгол, Түвдийн түүхээс бид ч бодож эргэцүүлэх зүйл их мэт санагдсан. Дотор хүн бол дотор л байдаг гэдэг шүү дээ. Өнөө цагт хужаа нар буу шийдэм бариад ороод ирдэггүймаа гэхэд, өмсөж зүүх, эдэлж хэрэглэх , бүүр идэж уух зүйлээрээ хүртэл бид өмнөд иргэний хараат байдалтай байгаагаа анзаарч мэдэхгүй,мэдсэн ч юман чинээ бодохгүй байх шиг...Хятад юм хэрэглэхгүй гээд туйлширсан ч яагаад болохгүй гэж!? Тэртэй тэргүй манайхан чанаргүй муу юмыг нь түүж авчирч дотоодын зах зээлээ дүүргээд байгаа шүү дээ. Ард түмний өөрсдийнх нь сонголт л мэднэ, муу зүйл хэрэглээд үхвэл үх, хордвол хорд гэсэн бодлоготой төр баригчидтай хүмүүс шүү дээ бид...Өнөөгийн Монголын төрөөс энэ талаар хяналт, хязгаар тавих нь битгий хэл ямар ч зохицуулалт байдаггүйн байна гэж ойлгож байгаа. Хятадад үйлдвэрлэсэн* муу* бараанд, өөр хаана ч юм нэг улсын шошго наагаад худалдаанд гаргадаг дотор нь арилчихсан монгол хүмүүс ч их байдаг сураг байнга чих дэлсдэг. Миний амьдарч буй энэ Япон орны төрөөс нь лав тодорхой хэмжээгээр ард түмнийх ээ ходоодруу орж байгаа зүйлд бол хяналт зохицуулалт хийж байдаг юм билээ (эрүүл ахүйн шаардлага хангасан хоол хүнс гэдэг бол амь настай холбоотой асуудал гэж боддогддог) За, яг юу хэлэх гээд байгаагаа мэдэхээ байлаа. Ямар ч байсан бид өөрөө өөрсдийгөө хамгаалахгүйбол, тэгж байгаад болно биз дээ гээд яваад байвал өнгөрсөн борооны хойноос цув нөмөрч болзошгүй байна шүү !!!гэх гэсийн бол уу. Далай лам ч бас Төвдийн түүхэн дээр тулгуурлаад иймэрхүү утгатай зүйл санууллаа гэж би ойлгосон... Та бүхэн тархиа сайн цэнэглэж, боловсрол сайн эзэмших хэрэгтэй, үүх түүхээ мартаж огт болохгүй, хаана хэний дэргэд байгаа вэ гэдгээ ч сайн ухамсарлаж ухаантай байх хэрэгтэй гэсэн санааг хэлэв үү гэж мунхаг би ухаж бодсон...

11/08/2007

Хүүхэлдэйн театр

Ийм гарчиг өгөхөөр театрт очиж үзсийм байна гэж бодож магадгүй. Манай ойрхон  хашаан дотроо Японы уламлалт байшинтай(бүр хуучны сууц болохоор нэг ёсны музей маягаар ашигладаг болтой юм) нэг жижигхэн цэцэрлэгт хүрээлэн байдаг юм.  Тэнд хааяадаа бага насны хүүхдүүдэд зориулсан үнэгүй арга хэмжээнүүд зохиогддог  . Өнөөдөр бас хүүхэлдэйн тоглолт болоод...  60 орчим насны нэгэн хөнгөн шингэн сайхан зантай байрын  эмэгтэй ганцаараа тоглолт хийж байсан. Японд ер нь иймэрхүү сайн дурын настайчууд их  байдгийн байна лээ. Өөрсдөө ч уйдахгүй, хүүхэд ч баярлуулаад гоё юм билээ. Би ч гэсэн тэтгэвэрт гарахаараа эмээ болохиймсан гэж бодож суулаа,хэхэ...

11/02/2007

ХАЛАГЛАЛ: Монгол хүн бүрт хамаатай

Саяхан Among сүлжээгээр цацагдсан имайлийг энд хуулж тавилаа... ************************************************************************ Эх орон биднээр дутсаар... Амарзаяа.С /Виржиниа/ Дэлхий нийт Монголын аймшигт ядууралын талаар мэдэх цаг хэдүйнээ болжээ хэмээн Их Британий сэтгүүлч Дамиэн Давсон бичжээ. Миний бие өнгөрсөн 6 сарын турш Монгол дахь ядуурал болон хүний наймааны талаархи баримтат киноны зураг авахаар ажиллаж байгаа юм. Өнгөрсөн сард зурагчинтайгаа цуг Улаанбаатарчуудийн 80 хувь нь амьдардаг, хотыг тойрон орших гэр хороололоор явсан юм. Хотыг тойрсон дэнжүүд дээр байрлаж, эздийнхээ боломж бололцооноос шалтгаалж янз бурийн эд материалаар босч, Монголын ундэсний сууцаар нэрлэгдсэн энэ хороолол жижиг хоршоо мухлагтай болоод авсан нь хэр удаан оршин тогтнож байгааг илтгэх бөгөөд Бразил, Индонезийн оромж хороололыг санагдуулахаар байна. Өвөлдөө хасах 25 хэм хүрдэг энэ газар гоожуурын ус, эсвэл ус цэвэршүүлэх систем гэх юмгуй. Хэдэн зуун хун магадгуй мянга мянган хун гадаах модон жорлон болон худагийн усаа дундаа хэрэглэнэ. 2.6 сая илуу хунтэй энэ улсын нярайн эндэгдэл 13 хувь байдаг байна. Амьдралын төлөө зутгэж буй эдгээр хумуус болон энэ улсад амьдарч байгаа бусад хүмүүсийн дунд нэгэн аймшигт нууц хадаглагдаж байгаа юм байна. Улаанбаатарын эргэн тойроны энэ дэнжүүд дээр Монголын ядуучууд болон талийгаачдийг нутаглуулсан оршуулгын газар зэрэгцэн оршино. Талийгаачдийг хундэтгэж, тайван нойрсуулж байгаа юм энд алга. Улаанбаатарын эргэн тойронд орших чимээгүй хот холоос харахад юу болох нь мэдэгдэхгүй болтолоо суйтгэгджээ. Эртний эдлэл болон бэлэг дурсгалын дэлгүүрт нь талийгаачдын булшнаас тонож авсан зуйлсийг гадаадын жуулчидад зарж, тоногдсон булшнууд нь онгорхой улдэж наранд ялзарч байна. Тонуулчид болон зэрлэг амьтдад суйтгэгдсэн талийгаачдын бие эрхтэний тасархай энд тэндгүй хэвтэж, тэнгэрт нь махчин шувууд эргэлдэн нисэх юм. Суйтгэгдсэн булшны байдлаас харахад зарим нэг нь дор хаяж арваад жил онгорхой хэвтэж байгаа нь харагдана. Дийлэнх нь хэзээ нэгэн цагт хуний бие байсан гэж хэлэхийн аргагуй улдэгдэлүүд болж, урагдаж тасарсан хувцасны сэгүүд онгорхой хайрцагнуудад хэвтэнэ. Чимээгүй хотыг уйлдвэр болон эмнэлэгийн хог хаягдалын цэг болгож, оршин суугчид нь чимээгүй хотоор хоол хайн тэнүүчилж, авсных нь модыг тулээ болгон хэрэглэж байна. Бороотой зуны өдөрүүдэд борооны ус эдгээр булшны улдэгдэл, хог хаягдалтай цуг урсаж, айлуудын худгийн усанд шингэнэ. Энэ бух зуйл нүднийх нь өмнө ил байгаа ч үндэсний цаг уурын газар болон Монголд ажиллаж буй бусад олон улсын тусламжын байгууллагууд нүдэн балай чихэн дүлий сууж байх юм. Улсын их хурал буюу парламент нь эдгээр тусламжын байгууллагын ажилчдын цалингаас өндөр татвар авдаг боловч цалин өндөр болохоор ажиллах хүн мунддаггуй юм байх. Эдгээр ажилчдын цөөхөн хэд нь л Ланд Круйзер, жолоочоо орхин, тав тух, аюулгуй байдлаа үл харгалзан албан тасалгаанаасаа гарч ажилладаг гэнэ. Зарим нэг нь ирсэн зорилгоо мартан, ДОХ-ын эсрэг ажиллаж байхынхаа оронд, харин ч бүр эсэргээр тайчих клубуудээр хэсэж, биеэ үнэлэгчдээр үйлчлүүлдэг гэнэ. Азийн сангаас явуулсан судалгаагаар гудамжны хүүхэдүүдийн ихэнх нь, зарим нь бур 10 настай ч хүүхэд байх, ямар нэгэн бэлгийн замын өвчтэй гэж гарчээ. Дийлэнх биеэ үнэлэгчид нь ядуурал болон гэр бүлийн хучирхийлэлийн золиос бөгөөд тэртээ тэргүй хунд байгаа нийгэмд нь улам л нэрмээс болж байна. Эрүүл мэндийн яамны үйл ажиллагаа, эрүүл мэндийн салбарт байгаа авилгал хээл хахууль, удирдлагын буруутай үйл ажиллагааг эсэргүүцсэн ажиллагаанууд Улаанбаатарт болж байна. Монголын Улсын засгын газар саяхан ядууралтай тэмцэх $300 сая долларын тусламжыг хүлээн авчээ. 2.6-хан сая хүн амтай энэ улсын эдийн засаг нийгэмийн байдал нь яагаад дайнд нэрвэгдэсэн Африкийн улс орнуудтай адил байна вэ? Монгол улс дайнд нэрвэгдэж сүйтгэгдээгүй мөртлөө, авилгал хээл хахуулын улмаас эдийн засаг нь улам л тогтворгүй болж байна. Уран, алт, зэс болон бусад газарын баялаг нь Айванхау Майнз, Боро Гоүлд, БХП болон Рио Тинто гэх мэт уурхайн том том компаниудын шуналыг хөдөлгөж, эдгээр компаниуд мэдэгдэхүйц хэмжээний ашиг олж байгаа боловч хүн амийн 80 хувь нь үгээгүй ядуу хэвээр. Монгол Улс Нэгдсэн Үндэстэний байгууллагад элсэн орсоноос хойш даруй 50-иад жил өнгөрсөн боловч хуний эрх болон, шоронгийн хоригдолуудын эрхийг эрх баригчид нь уландаа гишгэсээр л байна. Монгол Улсын төлөө гэж санаа зовж байгаа хүн үгүй мэт. Харин ч энэ улс олз омог ихтэй эд бараа мэт байна. Үүнийг 11 настай балчир охин биеэ унэлж, талийгаачдын авсны модоор түлээ хийж байгаа үнэн бодит амьдрал гэрчилнэ

Баярлалаа...

Том охин маань'Ээж энийг харж болохгүй шүү' гээд л нэг юм уйгагүй хийгээд байсан чинь ийм зураг зурсан байв. Би гэдэг хүн баярлаад 'Энэ дэлхий дээрхи хамгийн гоё зураг болсон байна даа' гэсэн чинь 'Хошгируулаад байгаам уу' гэдгийн... Охидоороо туслалцуулж байгаад бялуугаа хийчихсэн:) Дундах маань бол хамгийн идэвхитэй, бөөн гурилан дунд нүд шүднь л гялалзаад байсан... ps: Arslang undug ny hagaraad udahgui degdeehei bolchihvii geed sandarch bichleg oruullaa shuu^^

10/25/2007

Шинэ хуучиныг нь амархаан мэдэх арга

Түүхий өндөгийг хагалалгүйгээр яаж шинэ хуучныг нь мэдэх тухай тв-гээр үзсэнээ хуваалцая. 14 хоног хүртлэх шинэ өндөг энэ зурган дээрхи шиг усанд хийхээр хэвтээгээрээ живдэг юм байна. 14-өөс дээш хоног болж хуучирсан бол усанд босоогоороо живнэ гэнэ. Харин бүүр муудаж хордлого өгөхөөр болсон бол живэхгүй, хөвөөд гараад ирдэг гэнэ ээ... Гол нь мартаад, хөвдөг бил үү живдэг бил үү гээд андууравзай!!

10/23/2007

Токио хүрчихээд ирэв...

Өнгөрдөг амралтын өдөр найзын маань охин төрсөн өдрөө тэмдэглэж,  надад ч бас *тэмдэглүүштэй * үйл явдал болж , нутаг нэгт найзуудтайгаа зугаатай хөгжилтэй нэг үдшийг өнгөрүүлэв.  
Тэгээд л төрсөн өдөрт оролцохоор машинаар Токио гараад шидчихсэн хэрэг. Би өөрөө урьд нь хурдны замаар барьж үзээгүйг хэлэх үү зүрх хүрэлгүй хамт явсан найзаараа бариулаад жирийлгэсэн. Эрчүүд маань жаахан халаалт авсан байсан тул, буцахдаа өөрөө барих болж , нэг мэдсэн хамаг биеээ чангалчихсан, 2 гарын алга хөлрөөд л давхиад байсан...Хаагуур зам салаад, хаагуур нийлээд байгаан бүү мэд..Нөгөө найз маань амьд car navigation болж аминд орсон^0^ Хүүхдүүд л Токиогийн цамхаг гоё харагдаж байна энээ тэрээ гэцгээгээд , надад тэрийг харах сөгөө даанч байсангүй, өмнөх замаа тас ширтээстэй, анхаарал гэдгийг дээд зэргийн төвлөрүүлээстэй...Тэгсэн энэ хүзүү шилээр хөшөөд барилдчихсан аятай л болчихож(уг нь барилдаж үзээгүй л дээ,гсн)...

10/16/2007

Сэргэлэн толгой ...

Оюутан байхад анх япон хэлний цагаан толгой зааж сургасан өвгөн багш маань нэг ийм болсон явдал ч гэхийм үү, онигоо ч гэхийм үү зүйл ярьсан нь санаанаас ер гардаггүй юм... Багшийн маань нутагт нэгэн сайрхуу эр байж гэнэ. Тэндэхийн төмөр замын өртөөнд нь Оросоос нэг галт тэрэг иржээ.Түүнд өөр нэг тэрэг залгах хэрэгтэй болж түүнийг ойлгуулаад хэлчих орос хэлтэй хүн олдоогүй юм байж. Тэгээд нөгөө орос хэлэнд гаргуун гэж сайрхдаг нөхрийг дагуулж ирж л дээ. Тэгтэл мань эр дохио зангаа оролцуулж байгаад *Это вагон это вагон здраствуйте* гээд л аваадахаж. Нөгөө орос нь ч шууд ойлгохгүй хаачихав...

Хүүхдийн нас биеийн онцлог(Үргэлжлэл-1)

4 сартай хүүхэд
Биеийн жин дунджаар: эрэгтэй-7.3кг, эмэгтэй-6.8кг Биеийн өндөр дунджаар: эрэгтэй-65.1см, эмэгтэй-63.5см Толгойгоо бүрэн даадаг болж, доош нь харуулаад хэвтүүлэхээр толгойгоо өндөр өргөж 2 тийшээ харж чаддаг болно. 180 хэмээр харж чаддаг болж харах хүрээ нь өргөжиж, 2 гараа хооронд нь сайн ноцолдуулдаг болно. Тоглоом руугаа гараа сарвайж, сайн атгаж чаддаг болно. Өдөр унтах нь багасаж, шөнө урт унтдаг болж ирнэ. Дуу гарсан зүг рүү харна.“Хаана байна? Өө энд байна аа”гэх зэргээр  саатуулж тоглоход ход ход инээж баярлана.
Энэ үеэс шүлс нь ихээр гоожих үзэгдэл байдаг. Энэ нь хацрыг нь чимхэж базсанаас болдог гэсэн ташаа ойлголт байдаг, үнэндээбол шүлсний булчирхайн хөгжил, шүд ургаж эхлэхтэй холбоотой юм байна. Мөн гэнэт ихээр шүлс нь гоожиж, эмзэглэж байгаа янзтай байвал ам гэмтсэн байж болох талтай юм. Мөн ханиад амархан хүрэх нь хэт бэгнэж, бөөцийлснөөс болох тал бий тул арай даарахааргүй гэхдээ хөлс нь гарахааргүйгээр тохируулж хувцаслаарай. Хөлстэй байгаад даарах юм бол ханиад, бүр хатгаа тусах аюултайг  анхаараарай. Мөн хүйтэн учраас гэрээс гаргахгүй, тэгснээрээ хөдөлгөөн дутагдаж улмаар биеийн эсэргүүцэл суларч ханиад томуу тусах талтай тул анхаарах хэрэгтэй. Нар салхинд гаргахгүй, битүү байшинд хоривол чийгтэнэ гэж хууччуул ч бас хэлдэг шүү дээ. За тэгээд 3, 4 сартайгаас нь эхлээд хүүхдийнхээ хувцасыг ээж аав нь өөрсдийнхтэйгээ адил  зузаан нимгэнтэй байхаар зохицуулж хувцаслаарай. Томчууд 2 давхар цамц өмсөөд халууцаж байвал хүүхэд мөн адил халууцаж байна гэсэн үг, эсрэгээр даарч байвал хүүхэд бас даарч байгаа болно. Нарлаг намуухан өдөр нар салхи, цэвэр агаарт гаргах нь биеийн эсэргүүцлийг сайжруулахаас гадна, агаарт цохиулаад шөнө сайн унтах, арьс нь бөхжих зэрэг олон сайн талтай. 5 сартай хүүхэд Биеийн жин дунджаар: эрэгтэй-7.8кг, эмэгтэй-7.3кг Биеийн өндөр дунджаар: эрэгтэй-66.8см, эмэгтэй-65.3см Гадаад төрх, биеийн галбир зэрэг нь аав ээжийгээ дууриаж ирнэ.   Өөрөө эргэж, мөн ганцаараа суух, өвөр дээрээ зогсоохоор дэгж дэрвэх, гартаа барьсан зүйлээ амандаа хийж *чанарыг нь шалгах*, ганцааранг нь орхиж холдох болон болохгүй, боль гэсэн үгэнд дургуйцдэг болно. Ээжийгээ дэргэдээсээ холдвол уйлна. Энэ үеэс бор хоолонд орж эхлэх бөгөөд шингэн дутагдсанаас баас нь хатах тохиолдол байдаг. Давс,чихэргүй шингэн хар цай, 100хувийн жимсний шүүс зэргийг өгөөд үзээрэй.
6 сартай хүүхэд Биеийн жин дунджаар: эрэгтэй-8.1кг, эмэгтэй-7.6кг Биеийн өндөр дунджаар: эрэгтэй-68.3см, эмэгтэй-66.8см Нилээн мариа сууж, ж
игнэмэг зэргийг өөрөө бариад идэх, дэргэд нь хүнбайхгүй бол уйлагнах, өөрийнх нь санаснаар болбол хөөрч баярладаг болно. Ганцаараа сайн суудаг болж, доош нь харуулж хэвтүүлэхэд мөлхөх гэж оролдоно.  Нэг гартаа барьсан тоглоомоо нөгөө гартаа солиж барьж чаддаг болно. Мөншүд ургаж эхлэх бөгөөд энэ үеэс шүдний сойз аманд нь үмхүүлэх зэргээр шүдээ угааж сурахад бэлтгэж эхлэх хэрэгтэй, оо түрхэх хэрэггүй. Мэдээж өөрт нь бариулаад орхиж болохгүй, сойзоо гудрах аюултай.  

10/10/2007

Хүүхдийн нас биеийн онцлог

Анх том охиноо төрүүлэхэд , хүний газар асууж мэдэх хүнгүй тулгамдах зүйл гардаг байлаа. Бага насны хүүхдийн тухай нүдэнд харагдаж, гарт баригдтал бичсэн нэгэн гарын авлагыг манай хүн бид 2 одоо ч гэсэн байнга сөхөж хараастай байдаг юм. Хэрэгтэй бас сонирхолтой, зугаатай байдаг юм. Нэг зүйлийг онцолж сануулахад, уулын мод урттай богинотой гэдэг шиг хүүхдийн бие сэтгэхүйн бойжилт нь  тухайн хүүхдийн онцлогоос шалтгаалаад харилцан адилгүй гэдгийг мартаж болохгүй. Өөрөөр хэлбэл номонд бичсэн байгаагаас бага зэрэг хоцорч байлаа ч үндсэндээ эрүүл л байвал санаа зовох хэрэггүй гэсэн үг. Бусдын хүүхэдтэй харицуулах гэдэг бол утгагүй хэрэг... 1 сартай хүүхэд  Биеийн  жин дунджаар:   эрэгтэй-5.1кг, эмэгтэй-4.7кг Биеийн өндөр дунджаар: эрэгтэй-56.5см, эмэгтэй-55.4см Энэ үед хүүхдийн биеийн жин өдөрт 20-30 г-аар нэмэгдэнэ.Үүнээс бага байвал хоолондоо цадахгүй, сүү нь хүрэлцэхгүй байна гэсэн үг тул анхаараарай. Ойролцоогоор 3 цагийн зайтай гэдэс нь өлсөж сүү нэхнэ. Ээжийнхээ царайг бусдаас ялгаж харна.  Ээжийгээ дуугарч, саатуулахад аан,уун гэсэн авиа гаргаж хариулах, улаан өнгийн зүйл болон дуу чимээг илүү мэдрэх, алганд нь хуруугаа хүргэхэд буцааж чанга атгах, нүцгэлэхээр гар хөлөө савчиж тарвалзах зэргийг чаддаг болно. 2 сартай хүүхэд Биеийн  жин дунджаар:   эрэгтэй-7кг, эмэгтэй-5.5кг Биеийн өндөр дунджаар: эрэгтэй-59.9см, эмэгтэй-58.5см Бага багаар агаарт гаргаж эхлэх хэрэгтэй. Энэ нь арьсыг бэхжүүлж өгнө. 10-14цагийн хооронд салхилуулах нь тохиромжтой гэж үздэг. Гадуур нар салхинд явахад хүүхэд шингэнээ алддаг тул, гаднаас орж ирээд хөхөө хөхүүлэх болон шингэн зүйл уулгах хэрэгтэй. 2 сартай хүүхэд ээжийнхээ дууг ялгаж сонсоно.Толгойгоо өргөж, хөдөлж байгаа юмыг дагуулж харах, дуугардаг тоглоом зэргийг сонирхох, их чанга том дуунаас айж цочих, өөрийнхөө гар хурууг нүүрнийхээ өмнө авчирч харж, ноцолдуулж тоглодог болно. сартай хүүхэд (Анх төрж байснаасаа биеийн жин нь 2 дахин нэмэгдэнэ) Биеийн  жин дунджаар:   эрэгтэй-6.8кг, эмэгтэй-6.2кг Биеийн өндөр дунджаар: эрэгтэй-62.9см, эмэгтэй-61.3см Саатуулж ярихаар хоолойгоо дуугаргаж инээх, уурлахаараа царайгаа хувиргах, толгойгоо даах, тоглоомоо өөрөө барьж чаддаг болох, тод өнгийн зүйлийг сайн ялгаж харах, дуу чимээг сайн ялгадаг болох,  хөгжим сонсговол тааламжтай царай гаргах зэргээр олон зүйл чаддаг болно. Үдэш орой, шөнийн цагаар зарим хүүхэд зүв зүгээр байснаа юу болсон нь мэдэгдэхгүй хэсэг хугацаагаар уйлж чарлах тохиолдол байдаг. Голдуу уйдах буюу тэврүүлмээр байгаа үедээ уйлдаг бололтой бөгөөдөдөр нь   салхинд гаргах зэргээр саатуулсан үед бол  зүгээр байдаг байна. Манайхан уйлахаар нь сандраад л, уйллаа,чих нь өвдөж  гээд дураараа элдэв юм дусааж эмчлэх гээд байдаг. Агаарт гаргах, ярьж тоглож саатуулах зэргээр хэсэг байдлыг нь ажиглаж байж онош тавих нь зүгээр байх. Энд өөрт тохиолдсон явдлаас хуваалцая. Манай охин нэг хэсэг шөнө учиргүй уйлдаг байсан юм. Яаж ч аргадаж саатуулсан 10-20 минут уйлж уйлж, юу ч болоогүй юм шиг тайвшираад унтаад өгдөг байсийм. Эхлээд нөгөө *гайтай чих өвдөх*гэдэг нь тархинд зурсхийж ордог юм билээ. Тэгээд нөгөө гарын авлагаа хартал 3-6сартайдаа хүүхэд шөнө шалтгаангүйгээр уйлах тохиолдол байдаг.Энэ нь шинжлэх ухаанд тайлбарлагдаагүй. Халуурах, шингэн алдах, хоол сүүндээ дургүй болох зэрэг онцгой шинж тэмдэг илрээгүй, эрүүл бол санаа зоволгүй байдлыг ажиглах хэрэгтэй гэсэн утгатай юм бичсэн байж билээ...  

10/04/2007

Бор хоол

Номоор бол хүүхдийг голдуу  5 сартайгаас бор хоолонд оруул гэсэн байдаг. Ер нь бусад хүмүүсийн хоол руу нүд нь унаад л , хэл амаа хөдөлгөөд эхэлвэл бор хоолонд орох болсон тэмдэг гэдэг дээ. Мэдээжийн хэрэг, эхний үед хөхний сүү, хүүхдийн сүүгээ голлонгоо бор хоолоо нэмэлт болгож өгнө. Хүүхдийн нас биеийн онцлогоос шалтгаалж өгөх хоолныхоо хатуу зөөлнийг тохируулж өгөх хэрэгтэй болно.Өөрөөр хэлбэл  хүүхэд хэлээрээ болон  буйлаараа няцалж дийлэхээр зөөлөн байх уу, үгүй юу гэдгийг бодолцох хэрэгтэй гэсэн үг.  Дээрхи зурган дээр хатуу, зөөлнийх нь ерөнхий багцаа, баримжааг нь  харуулсан байгаа.                                                   
Эхний зураг  5-6 сартай эхэн үе - Өдөрт 1 удаа хооллоно.  5-6 сар буюу эхний үед гурил,талх, будаа,төмс,лууван, байцаа,өндөгний шар, вандуй, эрдэнэшиш гэх мэтийг зөөлөртөл нь чанаж ,сайтар нухаад өгнө.Эдгээрийг  тус тусад нь болон өөр хооронд нь холиж хутгаад өгөөрөй. Бас тараг(мэдээж чихэргүй),банана,гүзээлзгэнэ гэх мэт жимсийг үрэгчээр үрээд, нухаад таргандаа хутгаад өгөх буюу дангаар нь болон өөр хооронд нь холих мэтээр тохируулаарай.
5-6 сартай хүүхдийн хоолыг амтлахдаа анхаарах нэг зүйл бол давс зэрэг элдэв амтлагч хэрэглэх хэрэггүй, хүүхдийн гэдэс дотор гэдэг чинь хариугүй, эмзэгхэн юм байгаа тул эхний үед тухайн материалын өөрийнх нь амтаар байлгахад л хангалттай. Анхнаас нь давс, элсэн чихрээр амталсан зүйл өгөх юм бол түүндээ  дасах муу талтай. Томчуудын хэлээр бол *амнаас унасан* амттай байхад болно гэсэн үг. Талх зэргийг нухаж өгөхдөө элсэн чихэр хийлгүй, хүүхдийн найруулдаг сүүгээр зуурч амталж болно.
Удаахь зураг нь 7-8 сартай буюу дунд үе - Өдөрт 2 удаа хооллоно. Энэ үеээс өөх тосгүй махны шөл, маш бага хэмжээний давсаар амталж өгнө. Тослогтой зүйлд гэдэс нь эвгүйрэх магадлал ихтэй тул анхаараарай..
3дахь зураг нь 9-11 сартай үе - Өдөрт 3 удаа хооллоно. Насанд хүрсэн хүмүүсийн жирийн иддэг хоолны амтыг бодвол арай давс хужир бага талдаа амтална. Энэ үеээс татсан махтай хоол идэж чаддаг болж эхэлнэ. Болж өгвөл цайны жижиг  халбагаар 1 халбага цардуул усанд уусгаад , хоол руу нь хийж жонхуужуулаад өгвөл залгихад  нь амар болдог. Бас нэг анхаарах зүйл бол 1 нас хүртэл нь зөгийн бал өгч  болдоггүй. Өмнө нь хордлого өгсөн, тархинд нөлөөлсөн тохиолдлууд гарч байсан гэсэн.    За тэгээд бор ходоогоо божийлгоод , урагшаа^0^  

10/03/2007

За нэг цуураадахий...

Үе үе өөрийн эрхгүй нээх их уур унтуу хүрээд байдийм. Тэгсэн энэ нь эм хүмүүн болж төрсөнтэй минь холбоотой болох гээд байна, цаана чинь! Ер нь бодоод байх нь аа, сард нэг удаа хүн тоож нохой шиншлэхээргүй юман дээр  нөгөөдөхдөө гоморхож, хэрэгтэй хэрэггүй үг чулуудчих гээд байдаг санагдчихлаа... Юу гэхээр, сар болгон ирээд төвөг удаад байдаг*этгээд*байдаг даа. Тэрийг ирэхээс 10- аад хоногийн өмнөөс бие махбодад маань гормоний өөрчлөлт ордогтой холбоотой гэнэ. Уймрах, унтууцахаас эхсүүлээд сэтгэл санааны тогтворгүй байдлыг өдөөдөг,  бас энэ үеэр биед эр гормон илүү ялгардаг  гэхийн. Нэгэн сэтгэл зүйч, гэмт хэрэг ялангуяа хүн амины хэрэг үйлдсэн эмэгтэйчүүдийн талаар судалгаа явуултал тэдгээр нь голдуу нөгөө*гайтай этгээд*-ийг ирэхийн өмнөх 10 хоногт таарсан байсан гэнэ...Жирийн хүн бол ч энэ үеэрээ жаахан уур унтуу нь нэмэгдэх төдийгөөр өнгөрдөг биз. Харин угаасаа *солиотой* биеээ барьж чаддаггүйд нь бол энэ нь дайран дээр давс гээч болдог байх нь  ээ!

10/01/2007

26 жилийн өмнөх зураг

Зургийн цомгоо эмхэлж суутал багын зураг гарч ирээд нэгэн дурсамж бичлэг оруулмаар санагдаад... Энэ зурган дээрхи яг том гүнжтэйгээ чацуу байсан үе. Цаг хугацаа урсан өнгөрөөд өөрөө ийм охинтой болчихсон байхийн, амьдрал гэдэг их сонин юмаа... Тухайн үед өнгөт зураг гэж бараг байдаггүй байсан байх аа. Эгч маань Москва-д сурдаг байсан юм. Тэгээд  зуныхаа амралтаар нутагтаа ирчээд, найзтайгаа гудамжинд явж байгаад нэг япон хүүхэнтэй тааралдсан гээд зусланд дагуулж ирсэн хэрэг. Тухайн үед манай аав *наад япон чинь тагнуул ч юм бил үү, тэгж сүүжрээд байж болжийгоом уу!* гэж ирээд л эгчийг зэмлэж байсан санагддаг юм. Одоо тэр хүн Осакагийн  Угсаатны зүйн музейд проф. юм билээ. Юун тагнуул байхав дээ, монголын угсаатны зүй судалдаг монгол судлаач оюутан байсан хэрэг. Орос өнгөт зураг жаазанд хийхээр удалгүй цайрчихдаг байсан байхад, энэ  япон зураг энэ олон жил өнгөрөхөд  хэвээрээ . Тухайн үедээ ч орж ирсэн хүн болгонд сонин болгож яриад л, зургаа үзүүлээд л *од *болжийлоошд. Хамгийн сонин нь энэ зургийг авч өгсөн япон хүүхэнтэй 20 жилийн дараа<одоогоос 6 жилийн өмнө> тааралддаг юм байна . Амьдралдаа анх удаа тааралдсан япон хүн байсан болохоор ч тэр үү, нэр нь мартагдаагүй санаанд байсийн байна лээ. .. Намайг Осакад байхад,* Монголд хөдөөгийн  айлд homestay хийх групп хүмүүст яриа хийж өгөхгүй юу?*гэж сургуулийн оюутны төвөөс утасдаад очсон юмдаг. Тэгсэн тэнд нэг л  харсан ч юм шиг хүүхэн бас монголын тухай яриа хийгээд байхаар нь ..... нэрийг нь хартал мөн дөг өө. Харингуутаа гэр лүү гээ яриад шуудангаар зургаа явуулж  аваад, дараа нь   бариад очив оо. Тэгсэн хүүе хаая болоод удаан уулзаагүй эгч дүүс шиг тэврэлдээд л сүйд болдгийн байна. Ер нь миний амьдралдаа ганц тэврэлдсэн япон хүн байх шүү,хэхэ. Бас нэг түүх нэмээд бураадахий...Эмээ маань хуучин, шинэ үсэгт гаргуун хүн байсийм гэнэ лээ. Хуучин *Дотоод яам* гэж байхад нууцын бичээч гэдгийг хийдэг байсан гэдийм. Тэр үед хоригдол япон цэргүүд  гэж өрөвдмөөр юмнууд байдаг байсан, хичнээн дайсан ч адилхан л ээжтэй аавтай хүний үрс..гээд эх хүний хувьд сэтгэл нь өвдөөд тамхи, идэж уух юм нууцаар  өгч байсан гэнэ лээ.  Хэрвээ тэгж байгаад баригдсан бол эсэргүү болж балрах байсан байх даа. Тэгсэн бол мань мэт энэ хорвоод хүн болж, ингээд  элдэв юм бичээд сууж байхгүй ч байсийм бил үү...

9/27/2007

Нэг иймэрхүү...

Ойрд их завгүй байна аа. Нэг мэдэхэд өглөө болоод л, хоёр мэдэхэд орой болоод л ... Бага гүнж маань бор хоолонд орсныг хэлэх үү. Монголд бол ч бантан, кааш,тараг гээд л орос хэл дуусдаг даа. Энд болохоор ном харж байгаад өндөгний шар, төмс, луувангаас эхсүүлээд монгол нэрийг нь мэдэх мэдэхгүй янзан бүрийн ногоо, будаа, загас юм юмаар хоол бэлдэх гэж зүтгэж өөртөө ажил нэмээд л. Багаас нь олон янзын амтанд дасгаж, хоолоор нь дамжуулж аль болох олон төрлийн витамин өгөх хэрэгтэй гэсэн байхаар нь их идэвхитэй байгаа минь энэ.  Өнөөдрийн меню  улаан лоольний нухаш ,чанасан будаа, тараг. Улаан лооль таалагдсангүй болтой огиод л, ярвайгаад л   идсэнгүй...их л онцгүй байсан болтой**Будаа, тарагаа бол хэл амаа долоогоод л дараагийн халбагадахыг хүлээлгүй гэдийж уйлж нэхээд л...хэхэ. Өө нээрээ өнгөрсөн амралтын өдөр Кодомоно куни<хүүхдийн орон>гэдэг том цэцэрлэгт хүрээлэнд очсийм байна. Хүүхдүүд л нар нь гарсан байх. Янзан бүрийн гулсуур л их  байлаа..Өдөржингөө яваад манай хүн бид 2 л хөл ч өвдлөө, суналаа, чиллээ гэсэн хүмүүс орой  гэрийн бараа харсан,хэхэ...

9/06/2007

Би ч дуртай, чи ч дуртай <Зайрмаг хийх заавар>

ХЭРЭГТЭЙ ЗҮЙЛС (Хуучнаар хүнсний 20-ийн тэндэх New Tokyo дэлгүүрт хэмжих хэрэгсэл зэрэг байсан санагдаж байна, за тэгээд хаа сайгүй л байдаг биз )

ОРЦ 1.өндөгний шар - 3 өндөгнийх 2.элсэн чихэр - 100гр 3.цардуул (cornflour、starch) - 1 жижиг халбага<5гр> 4.сүү - 400гр 5.цөцгий - 200гр 6.ванилин(vanilla) - хэдэн дусал 7.brэнди (brandy) - 1 жижиг халбага

ЗААВАР Саванд өндөгний шараа хийж задартал нь хутгаад , 1 жижиг халбага сүү хийж хутгана. Дээрээс нь элсэн чихэр,цардуулаа хийж бөөгнөхөөргүйгээр сайтар хутгаж холино.Тэгээд сүүгээ 60хэм орчим хүртэл халаагаад бага багаар дээр нь хийж сайтар хутгана.               Дээрхийг шүүлтүүр шанагаар шүүж халаах савандаа хийгээд хутгангаа<тасралтгүй хутгана шүү> зөөлөн гал дээр халааж,өтгөрөөд ирэхээр нь зуухан дээрээс авч, савныхаа ёроолыг мөстэй хүйтэн усан дээр тавьж хутган, халуун бүлээн болтол нь хөргөнө.Түүн дээрээ ванилин,брендигээ хийнэ. Буцламгай халуун байхад нь хийвэл амт үнэр нь алдагдах тул анхаараарай.

        Өөр саванд цөцгийгөө хийж, доор нь мөстэй сав тавьж байгаад дээрхи бэлдмэлтэйгээ адил өтгөн болтол хутгаад 2 бэлдмэлээ хооронд нь холино. Түүнийгээ амархан хөлдөхөөр<төмөр,металл сав бол бүр сайн> саванд хийгээд хөргөгчний хөлдөөгчинд хийж 3 цаг байлгана. Гаргаж ирж сайн хутгаад ахиж хөлдөөнө. Гаргаж хутгаж хөлдөөхөө 3-4 удаа давтаад зайрмаг бэлэн болно. Амжилт хүсье.

9/05/2007

Би ч дуртай, чи ч дуртай...

За ямар ч байсан буцаж ирээд одоо л нэг юм хуучин амьдралдаа дасаж байх шиг байна...
3 жилийн өмнө анх ном харж байгаад зайрмаг хийж байсийм. Өөрөө ингээд амархаан хийчиж болдог юм гэж бодоогүй байсных уу бөөн баяр болсиймдаг...Түүнээс хойш төрсөн өдөр гэх мэт том жижиг тэмдэглэлт үйл явдал болох тоолонд бялуу, зайрмаг гэдгийг хийгээд байдаг болсийм байна. Анх бол ч туршлага юм юм дутаад амт гэж жаахан хэцүү л юм болдог байсан. Сүүлийн үед гаднаас үнэлж авснаас өөрөө хийчихсэн нь амттай байдаг болоод байгаа гээд жаахан хамраа сөхчихий,хэхэ.
Том охинтойгоо 2-уулаа сүүтэй зайрмаг хийж, сая монголоос ирэхэд эгчийн хийж өгсөн жимсний чанамалыг(варень) дээр нь асгаад хүртсэн чинь давгүй болжээ.гсн

8/30/2007

Блогтой манатай байлаа...

Халуунд хүүхэд өвдөж хямрахаар блог бичих хүсэл төрөх нь байтугай юм болохийн. Уг нь өдөр тутам гэрийн ажилтай зууралдаж, хүүхдээ тойрч гүйсээр өдөр өнгөрүүлдэг над шиг хүнд хааяадаа хэдэн хором нет-дээд байхад сэтгэлийн зугаа гаргаад зүгээр байдаг ... За одоогоор миний хувьд хамгийн том үйл явдал бол бага маань 5 хоноод 5 сар хүрлээ. Өнөөдөр өөрөө эргээд сурчихав. Санаа дагаад уу эргэсэндээ их додигор байх шиг санагдсан:/ Өө бас 2 настай удаах охин минь зураг *зурж* сураад, дэвтэр харандаа 2 сугавчлаад л*ээжээ хадаа,зуяг зуцан*гээд гүйгээд байгаа...Дугуй дотор нүд ам гээд 3 цэг зураад, шууд толгойноосоо 2 урт хөл...хэхэ. Харин ууган охин маань гэрийнхнээ төлөөлүүлж блогийн маань дээд буланд байгаа 5 гахайг зурж өгсийм. Яагаад заавал гахайгаар төлөөлүүлсийм байгаан!? Буруугаар ойлгуузай:/ Манайд бүдүүн хүн байхгүй шүү:)

8/16/2007

Ингэж хэлдэг бил үү?

Уг нь *Охид ариун бол цус ариун, түшмэд шударга бол төр ариун* гэдэг гэсэн.. УБ-д явж байгаад *Охид ариун бол төр ариун* гэсэн самбар нилээдийг харсийн байна.Товчилж байгаан бол уу, ямар учиртайн бол? Түшмэд нь шударга байна гэдэг ойлголт нь устаад, охид нь хүртэл замбараагаа алдаад , төр улсаа мөхөхөд хүргээд байна гэсэн утга юм уу!?

Шатаах нь ээ...

Японы халуунаас зугтааж нутаг явсан чинь Монголд ямар халуун байсан гэж санана аа.35-36хэм хүрээд л хиншүү ханхлах нь холгүй байсан. Японд буцаад ирсэн.. бас л 35-36 хэмээс буухгүй бүүр байж суух арга алга. Чийгтэй халуун болохоороо тэгдэгийм үү, хайлуулж урсгах нь ээ..Иймэрхүү зүйлээс болов уу ,бага гүнж минь хэд хоног 39 гарч халуураад ёстой элэг зүрхийг амаар гаргах дөхлөө.Яг японы *обон* гэдэг амралтын өдрүүд нь давхцаад, үзүүлдэг эмнэлэг нь амарсныг хэлэх үү, амралтаар үздэг газар хайж давхиж үйлээ үзлээшд..Гэхдээ эмнэлэг сайтай газар дор нь л арга хэмжээ аваад урамтай юм. Монголд байхад ингэж өвдсөн бол яаана аа...Эмнэлэг энэ тэр гэсэн иймэрхүү зүйлээс болоод Монголдоо бүүр буцах маань хойшлоод байх юм..Эх хүнийхээ хувиас гэхийм үү, Монголд очихоор амьдарч байгаа газар оронтойгоо харьцуулах, бас нүдэнд өртөх зүйл их байхиймаа. Монгол хүн Монголдоо элдэв бэрхшээлгүйгээр баталгаатай хүнс хэрэглэж, найдвартай эмнэлгээр үйлчлүүлж, чанартай боловсрол эзэмшдэг болоосой гэж үнэхээр бодогдох юм...

8/08/2007

Болохгүй юм гэж байдаггүй, чадахгүй юм л гэж байдаг...

Нутаг сайхан байна оо...Аав ээж, ах дүү, найз нөхөдтэйгээ уулзаж учирч сайхан яваад ирлээ.. Замын замбараагүй хөдөлгөөн, зуслангийн хог,эрүүл ахуйн шаардлага хангаагүй хятад хүнсний ногоо, барилгын материал, ууртай омогтой , аргалчихий , хуурчихий гэсэн хүмүүс, хаа сайгүй алтыг нь ухаж сэндийчсэн газар шороо гэх мэт нүдэнд туссан сэтгэл өвтгөсөн зүйлсийг эс тооцвол ... Энэ бүхэнд сэтгэл зүтгэл 2 л дутаад чадахгүй байгаа болохоос, засаж залъя гэвэл болохгүй бүтэхгүй зүйл ч огт биш байх ... Хувь хүмүүсийн сэтгэл зүтгэлээс гадна бас ард түмний эрх ашгийг хамгаалсан нийгмийн бодлого тун хэрэгтэй байна лээ гээд том том юм бичиж би бас энд улс төржихгээд байхийн , хэцүү юмаа.. ...Зуслангийн маань дэргэдэх булаг бөөн хогонд дарагдсан байсныг хажуугийн айлын 2 хүүхэд ,аав бид 4 баахан цэвэрлэв. Тэгсэн түүнээс санаа авсан юм уу саяхан бас өөр хэсэг хүмүүс цэвэрлээд танигдахааргүй болгосон байв. Сэтгэл байвал болдог л юм байна... Сайхан амьдрал гэдэг *сэтгэл, зүтгэл* дээр тогтдог гэдэгтэй санал нэгтэй байна уу.*Мөнгө,танил тал 2 байхад Монголд алзахгүй* гэсэн өнгө аяс алхам тутамд мэдрэгдэж, хэт амиа хичээсэн, би л болж байвал бусад нь падлийгүй гэсэн бодол нь аливаа зүйлд *сэтгэлээсээ хандах*, *үнэнч байх* гэдгээс холдуулж цөлөөд байх шиг сэтгэгдэл төрүүлээд байсан.... Боловсрол, Эрүүл мэнд 2-ийг хүртэл мөнгө олох хэрэгсэл болгох гэж улайраад, тэнд тэр сэтгэл гэдэг үгний *с* үсэг нь ч алга байх шиг байна лээ... Ингээд бодохоор улсаас зохицуулсан *сэтгэлээсээ хандсан* бодлого ч гэхийм үү, түлхээс гэхийм үү бас яах аргагүй хэрэгтэй байна аа даа...

6/02/2007

Нутагтаа ирээд анхны сэтгэгдэл...

Ирээд нүд ирмэхийн зуур 3 хоночихлоо. Ирсэн өдөр бороо ороод *Хур бороо дагуулж ирсэн* гэж бүгд бэлэгшээвээ..Шороогоор шуураад хэн хүнгүй ус чийг хүсч байсийм гэлцэвээ..Машины цонхоор нэгд нэггүй харан явсаар гэртээ хүрэв. Борооны дараахь мөөг шиг олон шинэ барилга хаа сайгүй. Нөгөө сураг сонсогдоод байсан замын түгжрээ гуай нь ч хөндөлсөөд дүрээрээ ...:D Хүүхдийн баяр гээд гадуур дотуур янзан бүрийн шоу, арга хэмжээ болж байгаа янзтай..Ирснийхээ маргааш их дэлгүүр орохоор гарав. Ямар ч байсан явган хүн зам хөндлөн гарахын тулд *шалмаг гавшгайн шалгуур* өгдөг болсийн байна..Шалгуурыг давахгүй хүн нөгөө ертөнцөд амархааан очиж болохоор байна лээ. Тэгж ядаж явтал *бийбоо бийбоо*гэж дохио хангинуулсан хамгаалалтын машин хөдөлгөөнийг зогсоогоод нэгэн эвэртэн туурайтан нь нөгөө айхтар түгжрээг нь улам улам түгжрүүлж харагдана лээ. Дэлгүүрийн(Nomingiin) бараануудын үнэ нь ***99 төг-өөр төгссөн байх бөгөөд, 1 , 2 төгрөгийн хариултыг бол буцааж өгдөггүй юм байна, Талон дээрээ бол хариулж өгсөн мэтээр бичдэгийн байна. Хэрвээ үйлчлүүлэгч 1 төгрөг дутуу өгвөл авахгүй дээ ,Үүнийг нэг л ойлгосонгүй...Өө тийм банк орж, данс нээлгэж сая сая дойлуураа хадгалуулсийн байна:D. Залуухан цэмцгэр ажилтан хүүхнүүд, хурдан шуурхай үйлчилгээ, visa cash card гээд давгүй л болсон байна билээ.. Ямартаа ч их хотын дуу шуугианаас холдож зуслан дээр очиж хүүхдүүдээ цэвэр агаарт гаргах минь...Хааяа хот руу орж ирж шинэ сонин юмтай таарвал сэтгэгдэл бичнээ... За тэгээд маргаашнаас зуслангийнхаа зүг гэдэн годон.....

5/26/2007

Нутгийн зүг хүлгийн жолоо...

Зиаг нутгийн зүг хүлгийн жолоо залахад 72 цаг үлдлээ...Нэг мэдсэн учиргүй өдөр хоног тоолчихсон сууж байна. Энэ удаад нилээн тайвуу айвуу яваад ирэх болохоор 3 дэгдээхэйтэй хүн чинь ачаа гэдэг түнтийсэн юм болдгийн байна. Сурч дадчихсан юм болохоороо яахав, бэлэг сэлтээ цуглуулж гадуур дотуур чамгүй таваргалаа.  Анх оюутан байхдаа ганцаараа буцаж байлаа, хуримаа хийхээр 2-уулаа явж байв. Одоо тэгсэн бүл нэмсээр 5-уулаа болчихсон байхийн. Монголынхоо үрсийг маш олон болоход хувь нэмрээ бол оруулж л явноо,гсн. Онгоцноос дэгдээхэйгээ дагуулсан нугас шиг л сунжиралдсан хүмүүс буух нь ээ. За энэ ч яахав, Аав ээж 2 минь бас л өөрчлөгдөө байх даа. Уулзалгүй удсаных уу харих тоолонд л эрс  буурал нэмж, үрчлээ нэмээд байдаг болсон байна лээ. Тэр хэмжээгээр би гэдэг хүн 'ухаажиж ' чаджийгаа юм уу даа?! Нутаг бас хэр өөрчлөгдөө болоо? Найзуудтайгаа уулзаж хуучнаа дурсаж бут авна аа  гэж 'мөрөөдөөд' газардахаас(^_^)  

5/21/2007

Харийн нутаг...

Ээж аав, элгэн садан, найз нөхдөөсөө хол амьдрана гэдэг амаргүй юмаа.. Энэ хөөрхий гадаадад байгаан гээд ханиад томуу гуай ч тойроод гарах биш, өвдөж халуураад хэвтэхээрээ *нутагтаа байсан бол хэн нэгэн рүү утасдахад л гүйж ирээд халуун хоол шөл хийгээд өгнө дөө *гэж учиргүй бодогдоно.Өөрөөр хэлбэл эрхэлж чадна. Сэтгэл санаагаар унасан үед найз руу гаа залгаад халуун дулаан хэдэн үг сонсчихно, сэтгэл санаа гэдэг сэргээд л явчихна... Гэхдээ ойр зуур амьдардаг нутаг нэгтэй найз нөхөдтэйгээ холбоо харилцаатай , тус дэмтэй байх ч бас сайхан шүү. Дөнгөж гуч гарч байж хөгшрөөд байнаа гэх ч хаашаа юм, сүүлийн үед уртын дуу сонсоод самсаа шархирна гэдэг билүү нээх их уйлмаар ч юм шиг, нэг л их сэтгэл хөдөлдөг болчихож. Зүгээр л байгаа даа.. Буруу зөнөөд байна уу.

5/15/2007

Тоглоно гэдэг бол хүүхдийн үндсэн ажил нь шүү дээ...

Тоглох + хөдөлгөөн = хүүхдийн сэтгэхүйн хөгжилд тун чухал нөлөөтөй. Ялангуяа бага насны хүүхэд тоглоомоор дамжуулан гар хуруу биеээ хөдөлгөх, ургуулан бодох гээд олон зүйл хийдэг.Гэвч орчин үед боломж нөхцөл нь багассаных уу өрөөний мухарт шигдэн, цаг нарыг мартан ганцаархнаа компьютерийн тоглоом гэх мэтээр тоглох нь нийтлэг болсон гэгдэх юм. Биднийг бага байхад ойр хавийнхаа том жижиг бацаануудтай нар салхитай найзалж , ядартлаа халтайтлаа гадаа тоглодог байсан санагдана. Тоглоомноос, тэр тусмаа агаар салхитай, мод чулуутай нөхөрлөж, эргэн тойрныхоо хүүхдүүдтэй харьцаж тоглох гэдэг бие хүн болон төлөвшихөд ч тун тустай хүмүүжил олгодог гэж боддогиймаа. *Сүүлийн үеийн хүүхдүүд их хачин болжээ* гэлцээд л байдаг, үнэндээ иймэрхүү хүчин зүйлүүд ч нөлөөлдөг юм билүү!?

5/10/2007

Эхнэр нөхөр байна гээд *айл гэр болж тоглож* болкүээ?!

Нэг найзын блог уншаад бага зэрэг санал зөрөөд энэ тухай бичмээр санагдсан юм. Ойрдоо *эзэгтэй*-н үүргээ биелүүлж гүйсээр бичлэг хийх завгүй хэсэг удчихлаа... Эхнэр- гэдгийг хүмүүс янз янзаар бодож тодорхойлдог болтой юмаа. Энэ нь эрэгтэй эмэгтэй хүний хувьд ч нилээн ялгаатай ойлголт шиг байна. Энд бас үзэл бодлын асуудал ч уртаас урт, өндрөөс өндөр урган гарч ирэх шинжтэй. Зиаг ямартай ч энэ удаад *эхнэр* гэдгийг өөрийнхөөрөө тодорхойлох гээд үзье. Ялангуяа бага насны хүүхэдтэй хүмүүний байр сууринаас бичиж байгаам шүү... Жич*Нөхөр* -ийн тухай бичлэг оруулах хүмүүн байвал пожалуйста... За тэгээд эхнэр хүнд нийгмийн өмнө, эр нөхрийнхөө өмнө, үр хүүхдийнхээ өмнө хүлээсэн үүрэг гээд баахан юм байгаа. За яг ямар ямар үүрэг байдгийн? гэхээр хариулт нь тун тодорхой их амархан. Өрх гэрийн тогтвортой байдлыг хангахын төлөө зүтгэх, санаа тавих. Гэхдээ үүн дотор эр нөхрийн хиргүй цамц, индүүтэй өмднөөс эхсүүлээд их олон юм орно. Ингээд бичихээр хүйсийн ялгаа гаргаад хачин этгээд гэж дургүйцэх ч хүн бий байх. Эрчүүдээс дутахгүй нийгмийн тэргүүн шугаманд хүч ухаанаа уралдуулаад аяга тавагтай зууралдах завгүй яваа *carrier woman* хүүхнүүд ч их бий.Ийм хүүхнүүд цөөнх байхад л хангалттай гэж боддогийн. Хэрвээ бүх хүүхнүүд ингээд гал тогоо гэдгийг мартсан завгүй хүмүүс байхийн бол, миний хэлээд байгаа тэр эхнэр-ийн үүргийг хэн биелүүлж, барагдуулах бол... Нөгөө нөхөр ч гэр лүүгээ нээх их яарахгүй биз. Амттай халуун хоол, цэвэр цэмцгэр орчинд дургүй хэн байхав. Ер нь эрчүүдийн ходоодтой нь *ярихад* л хангалттай гэсэн үг ч байдаг. Бага насны хүүхэдтэй эмэгтэй хүн ар гэрээ ч, албан ажлаа ч аль алинийг нь амжуулахын тулд нилээн *авьяас* шаардагдана. Тэгж чаддаг хүүхнүүд бол үнэхээр бахархалтай. Би л лав чадахгүй, дуугүй л хүүхдээ гараас гартал тогоо шанага руу гаа илүү анхаарсан нь дээр гэж бодоод суугаа..Багаар бодож 2 жил, ихээр бодож 3-4 жил гал тогоотойгоо маш ойр дотно байх болжуган. (Нөхөр дангаараа тэжээх чадваргүй бол , тийм нөхцөлийг нийгэм нь хангаж  чадахгүй бол ,энэ яриа мэдээж утгагүй л дээ.)  Гэхдээ энэ хугацаанд бас өөрийгөө хөгжүүлэх ямар боломж, арга зам байна вэ гэдгийг эрэлхийлж байхаа хором ч мартаж болкүү гэжүган. Ер нь тэгээд хүн өөр өөрийнхөө чадах юмаараа л занималдаж, хаана ч хэний ч өмнө түүнийгээ хамгаалж чадаж байвал болжийноо. Бусадтай адил байх албагүйм чинь.. ...Гэр бүлийн доторхи баланс алдагдахвий л гэж... Мэдээж орчин үед эхнэр-ийн тэр олон үүргийн заримаас нөхөрт шилжүүлсэн ч болох. Гэхдээ бүх эрчүүд тогоо шанага тойроод гүйгээд байвал бас л үнэн сүр сүлдгүй ч юм шиг.(Энэ тал дээр нөхөр хэрхэн ойлгож хандах вэ гэдгээс, бас хамтдаа гэр бүлийнхээ ирээдүйн зорилго, планийг хэрхэн тодорхойлж ,ярилцаж ойлголцож чадах вэ гэдгээс их зүйл шалтгаалах байх л даа) Мань мэттэйгээ адил тулга тойроод байх биш, дэлхийн чинээ амжуулах шийдэх ажилтай үе ч байдаг байлгүй.. Та юу гэж бодож байна?

5/04/2007

Дэндүү дэндүү гэхэд энэ арай хэтэрнээ!!

Mongoliin tuhai bichdeg gadaad humuusiin blog hesej yavtal iim zurag olj uzev. Ene sedveer olon ch gadgaad humuun blogtoo bichij.Yuu gej tailbarlasan baigaa ny oilgomjtoi. Yavgan hunii zamaar yaahaaraa auto mashin davhij yavdag bainaa, ter tusmaa surguuliin umnuur garsan zam shuu!! Esvel UB-d yavgan hunii zam gej baihgui boltsniig bi medelgui hotsrogdoj yavaan boluu!? Yostoi ichih nuuree elgendee naaj, uhamsraa ulandaa gishgene gej l eniig heldeg bh daa!! Iimerhuu baidal amidraliin naad zahiin dur zurag bolood baigaa niigemd usuj humuujij baigaa huuhduud yaana aa! Yooh, hamag tsus tarhi oodoo hoorchiv uu, yaav; Iimerhuu jolooch nart goliig ny harlatal boon boon torguuli taviad ugdug boloosoi. Yer ni mongoliin unoogiin niigem ter chigeeree nugoo *uhamsar* gedgeer angaj tsangaad bgaagiin naad zahiin jishee yum bish uu. Uuniig shiideh oor yamar negen shildeg arga baina uu?!!!

5/02/2007

GoldenWeek мандтугай буюу 'Meet the parents'

GoldenWeek-jild hovorhon olddog urt amraltuudiin neg. Ene amraltaar Japanchuud gadaad dotoodgui ayalaj, esvel nutagruugaa aav, eej deeree ochij amardag. Tiim bolohoor uzver uilchilgeenii gazruud gej pig hun, zam gej urt urt tugjree baih shig baina. Nyarain 1sariin uzlegt ochood irev. Ohin maany kilo gariu jin nemj byatshan bayar, bi ooroo barag jin hasaagui gesen onoshtoi bagagui shock... Za tegeed setgel sergeeh ayataihan kino shii bval uzii gesen , yag Robert De' Niro-giin togloson 'Meet the parents Ⅱ'(Meet the pockers)garch baidag bgaa. Hoyor 3n jiliin umnu negiig ny uzej tataj unaj bsiim. Ⅱ-iig ny uzej bas l evhertlee ineelee. Arai uzej amjaagui hun baival , sanal bolgoh baina.unen tataagaad hayana.. Buur bodohoos l ..hihihi.. ..Uzej duusaad, 'ohid maany nasand hurch, hadamd garahaar yuu bodogdoj suuhiin bgaam' ene ter gej bodogdson shig..Za za haa ch baisiin...

4/28/2007

Блог хамтарч бичих урилга

Нэгэн блогоос хамтран бичигчийн урилга хүлээж аваад,  хаяг болон агуулгыг нь дор attach-ллаа...(favorite доторхи Хүү-г дарсан ч болно) ************************************************************************************ Http://blogmn.net/future/ Энд хүүхдийн хүмүүжлийн талаар, хүүхэд өсгөхтэй холбоотой асуудлуудын талаар ярилцах, мөн бусдад өөрт тохиолдсон явдал, сонин содон зүйл, хөгжилтэй түүхүүд гээд ер нь хүүхдийн ертөнцийн талаар бичиж байя. Энэ талаар, энэ блогийг хамт бичих сонирхолтой хүмүүс байвал сэтгэгдлээр холбогдоорой. ************************************************************************************ Бултаараа хэлэлцвэл буруугүй Бүлээн усаар угаавал хиргүй ээ гэж...    Харь гаригийн хҮн буюу цаасан тавгаар хийсэн нүд...

4/25/2007

Нялх биеээ гэж...

... Төрөөд сар ч болоогүй юм байна шүү. Сав л хийвэл компьютерийн ард мэдээ, мэйл, блог гээд, буцаж хурдан жингээ барих минь гэж дасгал энэ тэр гэж гүйгээд, өглөө оройд жолооны дадлага гэж буудал хүрч ирээд сэвэлзээд байсан чинь нэг өглөө өрөөсөн хөх гэдэг чинь тэнтийгээд өвчин орсон байна гэж жигтэйхэн. Халуунаа хэмжээд үзтэл 38 гараад талийж байна. Надад туслахаар ирсэн эгч маань*Тэгнээ тэр, даанч төрсөн хүний шинжгүй хөнгөн шингэн сэмбэлзээд байсийн!!* гэж байна. Эмчид очиж үзүүллээ.*Нялх биетэй хүн биеийн эсэргүүцэл суларсан байгаа, хамаагүй хөдөлж, хүнд том юм өргөж, бас удаан цагаар бичиг харж ядарч болохгүй. Эхний 1 сар бол биедээ гамтай байх , бас ядарсан үед хөхөө сулартал хөхүүлэлгүй чинээвэл үрэвсэл өгөн өвчин орж, халуурна, сулартал нь сайн сааж байх хэрэгтэй * гэж байна.Сүүгүй байх хэцүү, сүү сайтай байх бас хэцүү юмаа даа. За тэгээд сар болтлоо эмчийн зөвлөснөөр *томоотой* хөлөө жийгээд сууж байхаас...

4/20/2007

Төгс төгөлдөр хүн гэж хаана ч байхгүй

Шинэ залуу аав ээжүүдэд② Эцэг эхчүүд хүүхдээсээ болон өөрөөсөө төгс төгөлдөр байхыг хэтэрхий шаардаж том горьдлого тавих нь, жижигхээээн алдаа эндээг ч сүртэйгээр тусган авч, бухимдал стрессэндээ умбах нэгэн шалтгаан  болдог гэнэ.Тэр нь даамжирвал хүүхэд өсгөх итгэлээ алдах, гэр бүлийн хүчирхийлэл гэх мэтийг ч өдөөж болзошгүйд хүрдэг гэнэ дээ.   Ямар ч хүүхэд яв цав аав ээжийнхээ санасны дагуу байхгүй нь мэдээж. Хамгийн чухал зүйлийг шаардлаа ч, хэр баргийн жижиг сажиг  зүйлийг бол тоохгүй уужуухан байх нь бас хэрэгтэй гэнэ.  Төгс төгөлдөр хүмүүжүүлнээ гээд хэт чанга байх биш,  зохих хэмжээгээр зөөлөн хандах нь чөлөөтөй сэтгэж,  дарамтгүй өсөх нөхцөлийг бүрдүүлж өгдөг гэнэ шүү.. 

4/17/2007

Эмэгтэйчүүдийн нөлөө

Улс орны анхдагч нэгж нь гэр бүл гэдэг. Гэр бүлийн гишүүн болох хүүхдүүд нийгмийн нэг гишүүн болон өсөж бойжиход эх хүний нөлөө маш их. Эх хүн сэтгэхүйг нь , эцэг хүн ухааныг нь хөгжүүлдэг гэдэг юм билээ.  Тухайн улс үндэстний нийгмийн сэтгэхүйг мэдье гэвэл эмэгтэйчүүдийг нь  шинж гэсэн үг ч байдаг гэнэ...Ямар ч том эрдэмтэн мэргэн,дарга сайдын сэтгэхүй ээжээс нь үүдэлтэй гэсэн үг болж байнаа даа. Тэгэхээр улс орны нийгмийн сэтгэхүй,түвшин нь ээж, эмэгтэйчүүдээс шууд хамаарна гэсэн үг  болжийно... Хүүхэд өсгөж хүмүүжүүлнээ гэдэг нийгэмд бүхэл бүтэн нэг бие хүнийг  бэлдэж өгдөг утгаар нь бодоход амаргүй албаа.  

Google Earth-ийг мэдэх үү?Үнэн гоё юм байлээ..

Google Earth-ийг search хийгээд үзээрэй.Би оройтож мэдчээд сүр бадруулж байж магад. Гэхдээ УБ-гийн гудамжийг бараг бүх нүх сүвийг нь харах шахаж байна лээ.. Зайсан толгойн ойрхон том Будда барьсан байна лээ,тээ.Баригдаад удаж бгаан бол уу!? Google Earth-аар олж мэдлээшд. Бас манай том бид 2 баахан хайлт хийж  газарзүйн  хичээлд онцсайн авахаар болов шив;/ ************************************************************************************ Google Earth combines the power of Google Search with satellite imagery, maps, terrain and 3D buildings to put the world's geographic information at your fingertips. ************************************************************************************

4/16/2007

Зөв хүмүүжил гэдэг үр хүүхэддээ өгөх хамгийн нандин бэлэг

Шинэ залуу аав ээжүүдэд① Японы боловсрол шинжлэх ухааны яамнаас эмхтгэж гаргасан*Гэр бүлийн хүмүүжил*гэсэн нэгэн жижигхэн гарын авлагаас ,хэрэгтэй санагдсан  сэдвээр бага насны хүүхэдтэй аав ээж нарт зориулж  бичлэг орчуулж оруулъя гэж бодлоо... Их бага модон орчуулга байж  болзошгүйд хүлцэл өчихийн хамт санаа оноог тань хүлээн авч засаж залруулж болно.. .Гэр бүлийн хүмүүжил гэдэг тухайн хүнийг насан туршид нь дагаж явах зүйл юм ~ Хүүхэд юуг хамгийн их хүсдэг гэж та бодож байна? ~ *танай гэр бүл ямар байгаасай гэж чи боддог вэ*гэсэн асуултад аль ч насны хүүхэд*гэр бүлийн маань бүх хүмүүс дандаа сэтгэл дүүрэн байгаасай *гэж боддог  гэж  хариулсан бна. Ийм мэдээжийн зүйлийг хүүхдүүд яагаад хариулт болгосныг томчууд бид нухацтай бодож үзэх хэрэгтэй мэт.  *Хэрэгтэй эд зүйлээр нь л хангачихвал хүүхэд аяндаа өсчихнө*гэж боддог  цаг үө бсан ч, өнөө үед бол сэтгэл дүүрэн амьдарч чадах гэр бүл зохиохын тулд бодож эргэцүүлж амьдрахгүй бол болохгүй нь. Хүүхдийнхээ төлөө, бас өөрийнхөө төлөө гэр бүлээ дахин нэг эргүүлж тойруулж*  хараад,бодоод үзээрэй.  Өөрийн зүгээс хэдэн үг нэмэхэд,хүүхдээ хүүхэд асрагчид даатгаад ч юмуу,ээж аав нь ажил ажил гээд тэвэрч, үнсэх ч завгүй гүйгээд  хүүхэдтэйгээ харьцах цаг гаргаж чадахгүй бол идэж уух, өмсөж зүүхээр дутахгүй блаа ч сэтгэлээр дутуу дулимаг нэгэн болдог гэнэ. Энэ нь гэдэс цатгалан,мөр бүтэн байна гэдэг зөвхөн сэтгэл дүүрэн, сэтгэл хангалуун байна гэсэн үг бишийг хэлээд байна... Манайхан *амьдралын эрхээр...* гэж их ярьдаг.Нялх, бага насны хүүхдээ орхиод ажил хийж мөнгө олохоор харийг зорьдог.Ид нахиалж цэцэглэж буй хөөрхөн үеийг нь дэргэд нь байж харж хандаж чадахгүй байна гэдэг харамсалтай юм шиг. Хүүхдийн тань тэр эгдүүтэй үе, бяцхан мөч ахиад давтагдахгүй эргэж олдохгүй. Энэ үгийг хүүхдээ орхиод харийг зорихоор төлөвлөж буй ээжүүдийг уншаасай гэж бодож байна...Эцэг хүн гадаах хатуу хүтүүг нугалж амьдрал залгуулдаг бол, эх хүн балчир үрийнхээ дэргэд нь байж орон гэрээ харж хандана гэдэг том үүргээ  умартахгүй байгаасай..Хүүхэд өсөх хурдан шүү дээ,  хүссэн хүсээгүй нэг л мэдэхэд үүрнээс нисэх шувуу гэдэг шиг л өврөөс чинь нисэн одно...

Улаан хүүхдээ хэхрүүлээрэй

Шинэ залуу аав ээжүүдэд Tom hun hehruulbel *yaasan buduuleg,zavaan yum*gej durguitsdeg ch ulaan huuhdee heherheer byatshan bayar boldog yumaa.... Uchir ny: Nyarai huuhed yaagaad heherdeg ve? Nyarai huuhdee meemee huhonguut ny shuud hehruuleh heregtei. Tegelgui shuud hevtuuleh yum bol,uusan suugee ihenhdee guligaad gargachihdag. Mongold bhad nyarai huuhed guligaad hevtej bhiig olontaa hardag bsan sanagdana. Heherdeg shaltgaan bol *hii(air?)* Nyarai huuhed meemee huhuhdoo suuteigee hamt agaar  zalgidag. Ingej suutei hamt hodoodond orson agaar ny hehruulehed gardag bna. Bor hodoodoo bojiitol suu uusan,byatshan ulaaniigaa zurag deerhi shig oor luu gee haruulj,eruugeer ny muroo tushuulsen baidaltai bosoo tevreed, hehertel ny  nuruug ny dooroos deesh ayarhan ileed ugoorei.5min hurevuu ugui yuu l hehreh bolno.Ingeed byatshan ulaan huuhed teny uusan suundee hahaj tsatsan guligahgui...Heregjuuleed uzeerei,amjilt huseye...

4/13/2007

Mooda 2007***(bishee 2005)

Tom ania 4-teidee. Uvliin huvtsas hunaraa ugaaj dald hiih sanaatai yanzalj btal, manai 2 malgai oroolt olj umschihood uroon dotuur *eej hardaa,yamar bna*geed naashaa tsaashaa alhaad l... ohidoo gej... 

4/10/2007

Byatshan ohin Binderya

Bid 2 bodoj bodoj,olon nernees songoj, ohin maany Binderya nertei bolov...  Neg naiz maany jinhene saihan mongol ner baina gej commentelj bna. Ingeed manaih gedeg ail 3n ohintoi bolj,unur utgun gedeg todotgoltoi  bolj bh shig bna. Zarim humuus  37-nii jil deeree neg huu gargachih gejiih yum,  Za daa ter sedviig ch hundmoorgui bnaa. Tsag ny ireheer sain hurgentei bolj l huugee bolgoyo gej uu...   Turj bhad dursgal bolgon zurag avch CD-nd bicheed,bas huig ny savlaad ugdug yum bna.. Shuurhai amjuulsan bgaa biz.

Amarjih gazar

Ger buliin 5 dahi gishuunee huleej avsan emneleg maany , eh barisan huuhdiinhee toogoor Japand 1-t ordog gene. Jild dundjaar 3000huuhed turdug.Argagui hun am ihtei ulsaa gej... Turult bagasaj hun amiinh ny ihenh huviig hugshchuul ezelj bgaa gegddeg ch,hun am tsoontei manaihtai haritsuulahad ih too yumaa...   Emnelgiin hool gehed orts,kalorie ihtei barag jin nemeed garav shiv... Shower room. Tursnii margaashaas shurshuurt marsh. Ergeltiin uroo. Internet bulan Biyee tenhertel 5 honog emnelegt tarvalzav.