12/26/2009

Very Merry Christmas & Happy New Year!!

Хувьсгалын болон хувийн ажилд дарагдаж гүйсээр,

нэгмэдсэн 2009 он харвасан сум шиг  жирэлзэн өнгөрч,

шинэ он хаяаанд ирсэн байнашдээ. 

Ирэх ондоо бүгдээрээ аз хийморь,

инээд баясал, эрдэм номоор бялхан цалгиж байх болтугай!!

11/26/2009

Улс тунхагласны ойн баярын мэнд дэвшүүлье!!!

Өнгөрсөн амралтаар 150км замыг ирж очихдоо нийлээд 10 гаруй цаг замын түгжрээнд орж байж явж ирэв. Очсон газар маань агаар ус сайтай сайхан нутаг байсан тулдаа л... Өдөртөө 10-аад хэм, харин шөнөдөө 1 хэм хүрч байв.

10/24/2009

Halloween

Өнгөрсөн 7 хоногоос нилээн сэрүү орж , өнөөдөр бүүр 15 хэм, гадаа хүйтэн бороо шиврээд жихүүн байна. Зуны гэсэн бүх юмаа угааж цэвэрлэж далд хийх, өвлийн хувцас хунар, хөнжил гудсаа гаргах гээд хөөрхөн ажил өрнөв.

Хажуугаар нь бас ар араасаа шилээ дараад намар өвлийн тэмдэглэлт баярууд жагссан байдаг. Томын  ангийнх нь нийлдэг хэдэн охин цуглаж Халловийн тэмдэглэж баахан бужигнав. Уг нь 10сарын 31-ний баяр боловчиг, ажил сургуулийн боломжоос болоод урьдчилаад тэмдэглэсэн учиртай. Миний бага байхад ийм баяр байдгийг ч , ямар учиртай  болохыг ч чөтгөр бүүмэд байсым байна.

Halloween-ийг монгол хэл рүү хэрхэн хөрвүүлсэн байдаг юм бол(Багт наадам гэвэл  арай биш байхдаа)?. Христосийн шашны ариун сахиус, бурхадад зориулсан ёслол болох 11сарын 1ний өмнөх өдөр буюу намрын их ургац, байгаль ээжийн хишгийг хүртэсний баяр, ад чөтгөр, муу зүйлсийг зайлуулах ёслол болгон ийнхүү тэмдэглэдэг баяр юм гэсэн. Хүүхдүүдийн хувьд, элдэв янзын баг, хувцас өмсөж, Trick or Treat гэж хэлэнгээ айл хэсэж чихэр боов солилцох нь зугаатай байдаг болтой. Энэ нь дундад зууны үөийн тариачны хүүхдүүд, баярт зориулсан хүнсээ цуглуулан ийнхүү явдаг байснаас уламжилалтай гэдэг юм байна. ★Halloween-ний шөнө алим идэнгээ хойшоогоо эргэж харалгүй толинд харвал ирээдүйн амьдралын хань нь харагддаг гэсэн яриа байдаг гэнэ.

10/16/2009

Манайхаар...

Зиаг манайх гэдэг айлаар сонирхуулчихмаар зүйл юусан билээ. 2 багыгаа төрүүлээд, нийгмийн амьдралд шууд оролцоо багатайхан хувийн албанаас өөр албагүй хэдэн жил арын алба залгуусан хүн, хувьсгалын ажилтай болсон чинь , хаврыг зунтай нь бүхлээр нь үдэж, намартай золгож байж л сая нэг шинэ амьдралын хэв маягтаа дасаж байх шиг байна. Нялх нойтон хүүхдээ өсгөнгөө, арын албаа ч, албаны ажлыг ч амжуулаад гүйгээд байдаг хүүхнүүд яаж болгодог байна аа?! Иймэрхүү янзтай харайлгаж явтал нэг мэдсэн, далын талыг наслах гэжийхийн. Гэснээс энэ сэдвийг ингэсгээд орхисуу. Ажил албатай байхаар , ховор олдох амралтын өдрүүдээ аль болох идэвхитэй өнгөрүүлэхгүй бол хайран санагдаад байх шинжтэй. Угаасаа энд цэцэрлэг сургууль дээр зохиогддог олон нийтийн ажилууд ихэнхдээ хагас бүтэн сайнд голлох юм. 2 багын үндоокай(монгол руу хөрвүүлбэл биеийн тамирын өдөрлөг,гээд  блог анд Бямбаагаас будаа идсэн болно), томын төгөлдөр хуурын тайлан тоглолт болон , хотын зах руу энэ тэрүүгээр агаар салхинд гарсан үеийн ганц нэг зурагнаас оруулав.

7/28/2009

*Зуны баяр*

Зун цаг сайхан шүү, манай хүүхдүүд гадаанаа усанд тоглож байна гээд л блогтоо зураг хөрөг тавиад бичээд сууж байсан...Цаг хугацаа улиран өнгөрч ахиад нэгэн зун гадаа маань айлчилж ирчихээд дундаа орчихсон байхийн, хурдан юмаа. . Өнгөрсөн амралтын өдөр гаднаа ус хийж хүүхдүүдээ тоглуулж байтал, дээд айлын охин тагтан дээрээсээ хараад орж ирж хамт баахан тоглов. Их л жаргалтай улсууд байх шиг байсан... Урд өдөр нь дунд охиныхоо цэцэрлэгийн *зуны баяр* -т явсан юмбайна.Багш нарынх нь бэлтгэсэн үзүүлбэр сонирхож,хүүхдүүд зуны баяраар зохиогддог уламжилалт тоглоом наадгай тоглож, Япон үндэсний олуулаа тойрч алхангаа бүжиглэдэг *Бон-одори*гэгч бүжиг хийснээр энэ жилийн зуны баяр өндөрлөв

6/19/2009

Эх орон танаа

Униар татсан хөндийд чинь

Унаган бие минь өсөн жаргаваа
Унаган бие минь жаргасны учраа
Ухаан бодлоо тандаа зориулъя
Рашаан булгийн усанд чинь
Алдхан бие минь өсөн жаргаваа
Алдхан бие минь жаргасны учраа
Амь насаа тандаа зориулъя
Нарны буман цацрагт чинь
Нас бие минь өсөн жаргаваа
Нас бие минь жаргасны учраа
Нандин бүхнээ тандаа зориулъя
/аяыг Б.Цогоо, үгийг Ж.Шагдар/
Нөгөө монгол адуу үргэлж нутгаа тэмүүлдэг гэдэг шиг үргэлж л буцах тухай бодол толгойд эргэлдсээр хэрнээ, нутгийн зүг хүлгийн жолоог хараахан залж амжихгүйм ч гэхийм үү, хувьсгалын тохироо бүрдэж өгөхгүйм ч гэхийм үү , юутай ч хүний нутагт амьдрах гэж оролдсоор 10 гаруй жилийг ардаа орхижээ...Энэ хэдэн жилд би ер нь юу хийж бүтээвээ гээд бодоод үзсэн, их л чамлалттай санагдаж сууна.
Нөгөө биеээ засаад гэрээ зас, гэрээ засаад төрөө зас бил үү. Тэрэн шиг, биөээ гэртэйгээ засчихаад л нэг сайхан нартай өдөр нутаг буцчихийм шиг бодсоор л...Уг нь хар амиа бодохын бол ч, учиргүй идээшиж дасаад сүйд болдоггүймаа гэхэд, энэ нутагт хүний зэрэгтэй амар тайван амьдраад болоод л байх янзтай. Гэхдээ янз янзаар эргүүлж тойруулж бодоод үзэхээр тэр бас биш юмаа!!
Нөгөөтэйгүүр, ээжийг энд ирээд буцсан чинь бас нэг иймэрхүү юм бодогдож байхийм. Юу гэхээр, гараад гүйгээд очимоор үедээ, ижий аав, ах дүүдээ гүйгээд хүрэхээр ойрхоон амьдармаараа гэж...Иймэрхүү элдэв зүйл бодонгоо энэ зун ч бас амралтаараа Монгол явчаад ирэх санаа байсан ч бэл бэнчин гуайд(МИАТийн тэнгэрт тулсан үнэтэй билетэнд((бид 5-ын Монгол руу нэг ирээд очих үнээр, хямд нислэгээр бол Америк руу 2 удаа, Солонгос руу бол 6.7 удаа ирж оччих юм шиг байна!! )) хясагдаад сачий хүрэхгүй янзтай. иймэрхүү байдалтай энэ зун бидэн 5-ын нутаг явж амардаг ч лөөлөө болжугаам шиг байна...Яршиг Америк ч юм уу, Солонгос ч юмуу явж амардгийм бил үү,гсн...

5/24/2009

Сараа...

Жил болгоны хавар Токиогийн Хикаригаока цэцэрлэгт хүрээлэнд ЯМОХ ( Япон дахь Монгол Оюутны Холбоо) голчилон зохион байгуулж явуулдаг *Хаврын баяр*гэдэг арга хэмжээ болдог билээ.

Олон хүн цугласан газраар хүүхдүүдээ дагуулж явахаас төвөгшөөдөг бибээр, ээжийгээ ирсэн байгаа энэ *чухал завшаан*ыг ашиглаад очиж Хаврын баярын үүгээр түүгээр явж , тэр оройгоо дуучин Сараагийн концерт үзэж нэг үдшийг тун сайхан өнгөрүүлэх завшаан олдов.

Сараа үнэхээр онцгой хоолойтой гэдгийг дахин давтан мэдрээд сэтгэл санаа гэдэг одтой тэнгэрээс өндөрт,  бөөн бөөн баяр баясгалангаар шагнуулсан мэдрэмжтэйгээр гэрийн зүг гэдэн годон...

 

 

5/04/2009

*Golden week*

 *Алтан 7 хоног*ийн амралтын өдрүүд эхэлж, хөлд салхи орчихоод сав л хийвэл гадуур дотуур зугаалж зугаацах гээд...

Үүрийн таван жингээр нүүр амаа бараг л хагас дутуу угаасан болцгоогоод, Диснэйланд руу гараад  давхив. Багыгаа арай илүү юм үзэж сонирхдог болохыг нь хүлээж , хойшлуулсаар байсан  болохоор 2 том ч бөөн баяр. Манай хүн бид 2 *аялагчид*ыг ахлах гэдэг том албаа хашиж нэг өдөр харвасан сум шиг өнгөрөв...

Хүүхэд багачуул гэлтгүй, настай хүн ч хөөрч баясахаар гоё газар байна гэж  ээж маань ч бас жоохон хүүхэд шиг баяртай байв...Улаанбаатарт нэг хөөрхөн парк баригдах юм гэж сураг сонсогдоод  нилээн хэдэн жил болов шив, уг нь баригдчихвал хөгшин залуугүй ингээд чөлөөт цагаа өнгөрүүлэх сайхан газартай болох байж дээ, гээд шүүрс алдаж зогсоно лээ...

4/24/2009

Зөндөө удчихаж...

Блогтоо салхи савир оруулалгүй хичнээн удаа вэ, энэ чинь!!  

Нүд сэргээж, чих чимчихээр сонин сайхан гэхээр юмгүй ч , ямар ч байсан өвлийг өнтэй давж,  урин хавартайгаа чамлахааргүй *тарга тэвээрэгтэй* золгоод байна, гэхийм үү доо.

Охид маань тусад орох шахаад, би гэдэг хүн удахгүй хөлөө жийгээд суудаг болохоор байна гээд бичмээр байвч, тэр цаг ирэх ч өдий байх шиг байна аа.

Харин ээж маань энд ирээд бараг сар гаруй болж, би гэдэг хүн эрхлээд жаргаж байна оо.

Цаг хугацаа  харвасан сум шиг жирийхийг ч анзаарахгүй шахам...

Ээж маань 2 бага зээтэйгээ хэл амаа ололцох гэж дохио зангаа хэрэглэхийн наагуур, том охин эмээдээ орчуулагч хийгээд завгүйбайгаа.

Тэгж байгаад заваараа ээжийнхээ охиныдоо айлчилсан адал явдлаас бичиж магадгүй,хэхэ...  

2/25/2009

Сар шинэдээ сайхан шинэлээрэй!!

Төрлөөрөө  төвшин  амгалан

Элгээрээ энх амгалан сайхан шинэлээрэй!!!

2/02/2009

Жаргалан жаргалан жаргалан.....эрүүл энхийн нэгэн жаргалан.

Саяны  хэд хоног чинь юу болоод өнгөрөвөө...

Том охин сургуулиасаа томуу(flu) авч ирж, 40 хэм өнгөрч халуураад, 

тэр нь дундахад маань халдаж, ашгүй арай  багад  хүрэлгүй шиг намжлаа.

Гаднаас ирэнгүүтээ гараа угааж,  амаа зайл гээд л байдаг...

Гэртээ орж ирэхээсээ өмнө хумс хуруугаа ам хамартаа

хийж байгаад , наалдуулж авсан ханиадны нянгуудаа идээд

амжчихдаг юм шиг ээ.  

Уг нь хүйтний улиралд с-витамин орсон хүнсний зүйл,

лимоны жүүс энэ тэр түлхүү  хэрэглэх санаатай үзээд байх шиг л байхийн, мэдэхгүй. С-витаминийг лав байнга хэрэглээд байхад ханиаднаас сайн сэргийлээд байх шиг санагддаг юм .

Яах аргагүй, хамгийн алдаг оног хэрэглэдэг 2 нь л ханиад томуу хүрэх шиг боллоо...

Ямар ч байсан хүйтэн  сэрүүний улирал дуустал, хүүхдүүдээ витаминаар бөмбөгдөөд байх хэрэгтэй болтой...            

 

 

1/16/2009

Зураг зураад л...

Манай том охин гэж бөөн зураг зурах хоббитой хүн байдийм. Араас нь бас 2 шинэ *зураач* тодроод, цаас дэвтэр дээр зурах нь сонирхолгүй болсийм уу яасийн, ширээ сандал, ханан дээр хүртэл чөлөөт уран бүтээл туурвих гээд. Манайх гэдэг айл авангард зургийн урлан болох л дутаад байна,гсн... Гурван *зураач*ийнхаа бүтээлээс сонирхуулий:)

1/07/2009

Зураг...

Ялангуяа бага жижиг хүүхэдтэй хүнд энэ зургийн аппарат гэдэг агаар ус шиг хэрэг болох нь холгүй гэжийвэл.. Дурсгалтай хөөрхөн мөчүүдийг үлдээх гэж сүр сүлдтэй л юм болохийн зүгээр...

Хуучин аппаратаа унагаж цохиж үйлийг нь үзэж байгаад эвдчээд, хүнээр бол цоорхой өмдтэй, ханзархай гуталтай гэж зүйрлүүлэхээр юм бариад л гүйгээд байсан. Дарж зураг авдаг гол товч нь хугарч унаад,оронд нь бал харандаа гэх зэрэг нарийхан үзүүртэй юмаар хатгадаг шилдэг арга сэдэж, бас тэгсэн болоогүй ээ картнийх нь хаалт салаад уначихаж байгаан , тэгээд яахав хүн амьтнаас жаахан зовохшуу юм болонгоо нилээн хэдэн сар гүрийгээд хэрэглэнэшд...
Уг нь анх 2 чемодан хуучин хувцастай, хэдэн хайрцаг халтар номтойгоор энэ нутагт шинэ амьдралыг эхлүүлж байснаа бодвол, хүссэн үедээ хэрэгтэй юмаа аваад хэрэглэчихдэг боломжтой болсон ч, угийн юмны ховор хомс үед бага залуу насаа өнгөрүүлснийх үү, нөгөө *арвич хямгач* зангаа тавихгүйм аа,гсн.
За сэдвээсээ жаахан далийгаадах уу.Том маань 35 үсгээ үзэж дуусаад, цагаан толгойн баяр болгож Диснэйгийн Тинкербелл гэж нэг хөөрхөн кино үзэж тэмдэглэв...Том дунд хоёр маань ид шидийн ертөнцөд орчихсон л явж байх шиг байсан, бага харин нэг уйлж, нэг унтаж, нилээн олон ажил амжуулсан их завгүй хүн кино театр гээчтэй анхлан танилцавай...